HOME  |  Organisacion  |  Nos Seccionnan  |  Seccion Cuido Dental Hubenil

Seccion Cuido Dental Hubenil

Seccion Cuido Dental Hubenil tin como tarea mehora salud oral principalmente di muchanan di 0 pa 12 aña. E servicio ta encarga cu prevencion colectivo den e area di salud oral. Seccion Cuido Dental Hubenil ta forma parti di e stuurgroep ‘Scol Saludabel’ un stuurgroep cu ta consisiti di profesionalnan di diferente departamento di gobierno y tin como tarea introduci e concepto ‘Scol Saludabel’ na e scolnan primario na Aruba.

E metodo ‘Scol Saludabel’ ta trece e temanan di salud, entre otro salud oral, den un forma integral y structural pa sigura cu e muchanan ta siña tuma decisionnan cu ta bon pa nan salud. Seccion Cuido Dental Hubenil ta desaroya material informativo, ta coordina charla y presentacionnan  y ta duna apoyo na studiantenan di e.o. IPA riba e tema di salud oral. Seccion Cuido Dental Hubenil ta traha cu diferente fundacionnan entre otro Wit Gele Kruis y Stichting voor Verstandelijk Gehandicapten.

E servicio ta duna informacion, apoyo y guia na e mayornan of esnan encarga cu e clientenan di e fundacionnan menciona. Ademas Seccion Cuido Dental Hubenil ta responsabel pa duna conseho riba maneho di cuido di salud oral.

Directie Volksgezondhied Aruba

E Departamento di Salud Publico Aruba, ta responsabel pa e administracion general di salud publico di Aruba.