HOME  |  Organisacion  |  Nos Seccionnan  |  Seccion Promocion di Salud

Seccion Promocion di Salud

Seccion promocion di salud ta wordo defini door di e Organizacion Mundial di Salud (OMS) como ‘e proceso unda ta capacita hende of un grupo di hende pa haya mas control riba e determinantenan di nan salud y pa mehora esaki’.                           

Seccion promocion di salud ta dirigi actividadnan cu ta enfoca riba e comportacion di hende den nan medio ambiente, ademas riba actividadnan necesario pa mehora e medio ambiente riba su mes. E no ta solamente enfoca riba comportacion invididual, pero tambe escala amplio di intervencion social y ambiental. Esaki ta basa riba e hecho cu salud ta depende riba varios factor of determinante como biologia, forma di biba, network, facilidadnan (parke, transporte, siguridad, etc.) y e condicion socio-economico, cultural y di e medio ambiente.

Pa es motibo promocion di salud ta dirigi riba e siguiente obhetivonan:

  • Promove comportacion saludabel di hende, den e contexto di nan medio ambiente.
  • Promove un ambiente di bida saludabel.
  • Segura un bon structura di prevencion

Seccion promocion di salud ta brinda informacion y sosten na seccion y servicionan di Departamento di Salud Publico y ta sostene y traha hunto cu diferente otro organisacion den area di salud. Ademas e seccion ta enfoca riba un miho maneho den e structura preventivo y e desaroyo y implementacion di programanan preventivo.

Directie Volksgezondhied Aruba

E Departamento di Salud Publico Aruba, ta responsabel pa e administracion general di salud publico di Aruba.