HOME  |  Organisacion  |  Nos Seccionnan  |  Servicio Cuido di Nos Grandinan

Servicio Cuido di Nos Grandinan

Servicio cuido di nos grandinan ta fungi como e organo central di gobierno cu ta traha na e bienestar general di e grandinan den nos comunidad y tambe den un institution di cuido. E seccion cuido di nos grandinan ta contribui na e condicionan pa segura e bienestar di nos grandinan cu enfasis riba siguridad y calidad di cuido.

Servicio cuido di nos grandinan ta:

  • Sostene cu e preparacion, desaroyo, y evaluacion di maneho relaciona cu cuido di salud y bienestar di e grandinan na Aruba;
  • Ta duna informacion con pa prepara pa embeyecemento;
  • Ta sostene, ta guia y conseha e proceso ariba e tereno di ley, ehecutando e Ordenancia Nacional Cas di Cuido 2015 no. 61;
  • Ta salvaguardia e calidad y accesibilidad di e cuido di salud pa nos grandinan door di duna conseho na e Minister di Salud publico, Cuido di Nos Grandinan tocante asuntonan cu tin di haber cu e salud di e cuidadano di edad;
  • Ta duna sosten y informacion na e dunado di cuido;
  • Ta promove y optimalisa cuido na cas;
  • Ta administra e plataforma national di cuido di nos grandinan y ta forma parti di e comision national di indicacion pa admicion na Stichting Algemene Bejaardenzorg Aruba (S.A.B.A.),e unico cas di cuido cu ta wordo subsidia door di gobierno;

Directie Volksgezondhied Aruba

E Departamento di Salud Publico Aruba, ta responsabel pa e administracion general di salud publico di Aruba.