HOME  |  Organisacion  |  Nos Seccionnan  |  Servicio Cuido Salud Hubenil

Servicio Cuido Salud Hubenil

Servicio Cuido Salud Hubenil ta responsabel pa e cuido preventivo di nos muchanan y hobennan na Aruba. Cuido Salud Hubenil tin como meta proteha y promove e salud y social-emocional mental y fisico di tur mucha y hoben entre 0 te cu 18 aña.  Cuido Salud Hubenil pa cu esaki ta traha hunto cu Wit Gele Kruis (WGK). Dokternan di Cuido Salud Hubenil ta wordo poni na disponibilidad di WGK pa tene consulta pa babynan. Tambe Cuido Salud Hubenil ta bishita scolnan primario y basico y ta traha hunto cu instancianan y personanan cu ta traha pa salud di muchanan y hobennan na Aruba.  

Cuido Salud Hubenil ta logra su metanan door di eherce e siguiente activadadnan.

  • Chekeo medico preventivo na cierto edadnan y investigacion riba indicacion;
  • Coleccion di informacion sistematico y investigacion cual ta duna informacion di e salud di muchanan y hobennan;
  • Ehecucion y registracion di e programa nacional di vacunacion;
  • Duna conseho y guia na mucha, mayor, scol y na funccionarionan di maneho riba topiconan cu ta trata salud y desaroyo di muchanan y hobennan;
  • Informacion y charla riba topico di salud.

Directie Volksgezondhied Aruba

E Departamento di Salud Publico Aruba, ta responsabel pa e administracion general di salud publico di Aruba.