HOME  |  Servicio  |  Veterinario

Veterinario

Matansa di cria local

Pa ley animalnan manera cabrito, carne, porco, cabay y avestrus por wordo mata solamente na abattoir cu ta e localidad publico situa na Barcadera. Tur bestia ta wordo inspectiona prome y despues di wordo mata pa keurmesternan intrena riba e tereno aki. Si e carni ta aproba e ta haya un stempel na cuater diferente parti y solamente e ora e propietario por bende e carni riba mercado local. Dianan di matansa ta riba diamars y diahuebs entre 7:oo y 9:00 di mainta. Durante temporada di fin di aña ta haci matansa via cita.

Euthanasia di animalnan no desea (cacho y pushi)

Doño di un animal malo of herida por yama pa un cita pa haci euthanasia cu e animal (euthanasia ta solamente riba dialuna, diaranson y diahuebs). Servicio Veterinario ta huur haula pa yuda cu e transporte di animalnan dificil pa maneha of peligroso.

Entrega di certificado di importacion/exportacion di animalnan bibo.

Importacion di cacho y pushi:

  • Importacion di cacho y pushi procedente di Zuid y Midden America incluyendo Mexico of for di Cuba, Haiti y Republica Dominicana ta prohibi.
  • Importacion di cacho y pushi for di otro paisnan of partinan por wordo permiti cu e documentonan di biahe adecuado.

    PAGA ATENCION: Importacion di cacho y pushi for di paisnan cu risico di malesanan di bestia, por wordo nenga si no por cumpli cu exigencianan.

Exportacion di cacho y pushi

  • Pa exportacion di cacho y pushi pa exterior ta wordo conseha pa tuma contacto cu e pais destina pa ta bon informa riba nan exigencianan.

Importacion/Exportacion di demas animal:

  • Certificadonan di Importacion/Exportacion y documentonan di CITES ta dura tres dia y tin costo na esaki.

Pa mas informacion por tuma contacto cu Servicio Veterinario na 5224200

Directie Volksgezondhied Aruba

E Departamento di Salud Publico Aruba, ta responsabel pa e administracion general di salud publico di Aruba.