Seccion Maneho di Operacion ta encarga cu maneho interno door di plania, organisa y ehecuta hunto cu hefenan di departamento tur actividad pa e empleadonan por eherce nan trabou mas miho posibel den un ambiente agradabel y sigur. Parti di e tareanan di seccion maneho di operacion ta ensera organisacion den su totalidad, comunicacion y alocacion. Pa e tareanan di e seccion por cana bon mester tin reparticion di trabou entre maneho di staf y trahadornan.
Seccion Maneho di Operacion
Un parti hopi importante cu ta cay bou di Maneho di Operacion ta comunicacion. E relacionista publico y consehero den comunicacion ta e persona cu ta duna conseho na directeur of management team riba tereno di comunicacion interno y externo. E relacionista publico y consehero den comunicacion ta encarga pa plania y evalua strategianan di comunicacion pa trece informacion nesesario na e manera mas adecuado pa cada grupo den comunidad y ta mantene un bon comunicacion cu miembronan di prensa pa por ricibi y duna informacionan valioso den tempo record.
Otro tareanan di Maneho di Operacion ta:
- Plania y monitor cambionan den e organisacion.
- Revisa e presupuesto di cada seccion y servicio di e organisacion y maneha gasto ora di haci pedido.
- Mantene inventario y distribuimento di material y productonan di e seccion y servicionan den e organisacion.
