Servicio di Combati Sangura tin como meta, cuida e salud general di comunidad door di controla y combati sanguranan cu por transmiti malesa, inspecciona y actua diligentemente den situacionnan di peliger cu por presenta pa nos comunidad.
Servicio di Combati Sangura (GKMB)
Inspeccion y tratamento pa molester di sangura
Na momento cu tin molester di sangura na cas, den bario, of na cualkier localidad publico. Por tuma contacto cu servicio di combati sangura pa conseho of haci un cita pa inspeccion na 5224330 of 5224200.
Servicio di Combati Sangura :
- Supervisa y controla si ley y reglanan cu ta regarda salud publico (Landsverordening Besmetelijkeziekte) ta wordo respeta.
- Inspecciona, detecta y trata potencial criaderonan di sangura den y rond di vivienda, lugarnan vulnerable, tereno, negoshi y instancia nan.
- Atende reporte of kehonan ricibi cu ta regarda molester di sangura.
- Investigacion entomologico pa mehora y implementa procedura nan di trabou y maneho interno.
- Control y tratatamento sistematico di casnan y alrededor, di cual notificacion a wordo haci pa sospecha di malesa transmiti pa sangura, segun preceduranan interno.
- Duna informacion na comunidad por medio di presentacionnan y of otro media con pa preveni y combati criadero di sangura.
- Duna conseho y brinda asistencia na Gobierno di Aruba cu experticio den comabatimento di sangura, cual por ta un peliger pa salud publico.
Charla informativo
Servicio di combati sangura ta duna charla informativo riba prevencion di malesanan transmiti pa sangura for di mucha te adulto. Pa mas informacion por tuma contacto cu nos na 5224330 of 522420.
